« 食親情 | 網頁 | LET's TALK »
西元2007年04月16日
電影節
曾經攤開日曆，挑燈夜「度」訂票小冊，
第一時間郵寄表格。
每次發現心水戲早早滿座都懷疑
有內鬼。
曾經一日趕三四場，趕到
眼乾、腳軟、胃抽筋，
人漸虛脫。
經常大會堂，科學館，太空館，
然後又大會堂...
總見人同此心，散場急急腳。
經常從早春焗熱的空氣中
瞬間移到雪房，
著多件嫌多，著少件驚冷親。
在充滿汗臭的人龍中寸進，等入場，
毋忘大家的臭
味相投。
每年在相同的地方，遇到相同的面孔，好似
遇見舊相識。
曾經因為好戲播至中途故障，大家一起出來
媽媽叉叉，
無比團結。
試過較腳看下午場，
碰見應要開工的同事，
交換一個狡黠的笑。
有些戲唔多明，總之就鍾意。
有些好難頂，
椅子嘭！嘭！嘭！
仍叫自己堅持。
遇到好睇到震，片尾碌完都
唔願走。
無下場的話，影後座談都撈埋，
為了解開心中疑竇，手舉到痺。
事前揀左乜是話題，
看後覺得點是話題。
湊齊每年的小冊子、電影簡介、戲票、
甚至自己的觀感速記。
如今上網乜都一目了然，
訂票方法方便好多，只是
分類眼花撩亂，
好多唔明，唔知點解，或者
因為老了，我
和電影節
都。
02:05 永久網址 | Email this
引用通知
發送引用通知的網址為 http://onemanband.blogspirit.com/trackback/1250503