« 購物袋的故事 | 網頁 | 指定動作‧九流公關 »
西元2007年05月21日
蘋果的滋味‧西風不相識
今夏到美國探親，要申請簽證，九年前當電視台記者到美國採訪申請簽證的不快回憶統統回來。基本上，要申請成功必須設法令對方相信你無意長居美利堅！因為他們已假設大家很想借故居美。
作為肥爛屎(freelancer)，一無正職，二無糧單，三無稅單(收入少到入不了稅網)，要令對方相信你無意到彼邦當黑工實在難度甚高。於是退而求其次，要求服務已一年的周刊，寫信證明我是長期兼職，而且去完探親之後一定會返港繼續幫忙，得到的答案是NO！因為我不是長工。一個對自己對工作有要求的肥爛屎，可以為做好一個job，投入與收入不成正比的心血和時間，可以幫手哽惡頂訪問，說穿了(如果他是男的)，只是個一廂情願的懵佬。
網友教路，請移民美國的親人寫一封擔保信，力言將全力承擔我訪美期間的衣食住行，確保我定會離開美國，安返香港。當然，如果我在香港有恆產，有家有室，有間沒有我會完蛋的公司的話，這封信是不用寫的。事實我有齊所有不利簽證的個人特質。
還有，911之後，所有16至45歲入境美國的男子，都有嫌疑是恐怖份子，不利因素又多一項。
當年申請採訪簽證，要在大庭廣眾和同事面前高聲說出年薪若干，物業市價，毫無私隱與尊重可言。雖然他們用了五色人種坐櫃檯向你表現本國的平等和沒歧視精神，但簽證一關已坦露最噁心的咀臉。那次取得了工作簽證，但簽證上的神秘代碼令我每次在機場check in都引來航空公司的留難。「我們從來沒見過這種簽證！」那次當局給我三年內可兩次入境採訪，但只能服務於同一家電視台。反觀他們給予攝影師的簽證是十年有效多次入境許可旅遊簽證，大概號稱尊重新聞自由的大蘋果國，其實都視記者為敏感行業。還有申請費用八百大元，成功與否一律沒refund。申證相片也要求獨特尺碼，表格要在網上填，打印出來要求不要摺疊......簡直麻乜煩。
自由工作者襯絕自由國度？！發夢無咁早。
16:30 永久網址 | Email this
引用通知
發送引用通知的網址為 http://onemanband.blogspirit.com/trackback/1282867
留言
單身女性肥爛屎聽講仲弊啊~
幸好上次跟港台crew 去美國拍o野, 趕頭趕命申請簽證卻出奇地順利. 可能在"別人"眼中, 港台仍是官台, 封公司信好有用. :)
發表人: sidekick | 西元2007年05月21日
啊~ 忘了告訴你, 上次跟港台拍"我是地球兒", camman 係和興啊~
佢同導演傾偈時, 我聽到佢提percy, 於是我就問係咪我識o既percy啦, keyword 好似係media, 寫稿, 紫藤...
嘿嘿~ :)
發表人: sidekick | 西元2007年05月21日
紫藤？！都好耐咯，係一部拍左無得上畫的電影。我地班懵人，義拍不特止，仲幫人籌埋拍攝資金，搞埋攝影展同研討會，搵埋首映場地......如果無呢部，怕且都無Herman的性工作者十日談。
SIDEKICK好耐無見你上嚟坐，最近全城勁踩馬力，踩踩踩下又見番你。
發表人: percy | 西元2007年05月21日
十年前，我咪又係受害者，我仲係剛响美國讀完書返港，同年申請旅遊簽證過去，點知個女人响我個舊學生簽證上打咗個大交义，再响passport最後果頁蓋個唔知咩意思既印，慌人睇唔到咁；然後佢咗填一張紙，好粗暴咁退晒ｄ證件及證明俾我，一句解釋說話都唔聽我講．．．．究其原因，你冇錢响香港囉！
所以我覺得工作證明係其次（因那次我叫家姐造咗封公司信），最重要係你有錢去玩，同有物業證明（屋契）你會返香港，最好梗有銀行戶口balance或定期證明你有一筆錢啦．
不過，聽講家吓簽證易批咗，有足夠文件，交埋那筆’刮水’簽證費（十年前簽證費百六蚊，我已覺好蝕底），該無大問題．
發表人: 佐敦舊街坊 | 西元2007年05月21日
啊，忘記了，祝你好運．．．
發表人: 佐敦舊街坊 | 西元2007年05月21日
好彩～～一再衡量就没有申请去美国读书，它以为自己很巴闭，成村人要去定居甘。不过英国也好不到哪里去，一拖个签证就搞到亏了２２００蚊机票费。
發表人: wing | 西元2007年05月22日
一直有睇你blog, 莫失莫忘~
係有時留言見你唔多睬人, 於是保持安全車速, 唔敢跟車太貼o者~
:p
最近好幾篇都好喜歡.
發表人: sidekick | 西元2007年05月22日
有一次, 都係九一一之後, 去華盛頓, 個immigration要我解釋passport上每一個印的來歷, 又問我點可以證明我去過果d地方, 問到我好嬲, 佢其實好似就係等緊你發嬲個樣先放過你。我最後show左張亞洲萬里通同西北的worldperk卡加埋Lufthansia的飛行里數卡比佢, 叫佢唔信自己可以check下航空公司我的飛行紀綠, 佢先比我入境。真係吹脹!
又有一次, 去紐約, 我著了一件綠豆T-shirt (貪唔洗錢又舒服), immigration問我來紐約做咩, 我話探朋友。佢問我是不是來示威, 我話唔係。 你係綠豆做仲唔係來示威?(當時佢有問我在香港的職業) 我話係綠豆做都要放假, 唔係日日都要上街示威的。之後佢一路吸我本護照入境印一路同我講, 只要你遵守美國法律, 你都有權來示威。真係比佢吹到bear一聲!
發表人: learnedfriend | 西元2007年05月26日
learnedfriend: 反而我去年底申請簽證，我同移民官講在綠豆做，仲叫我介紹下中國的環境問題，並且順利批證。真係此一時，彼一時也!
發表人: Kevin | 西元2007年05月27日
上周日早上大雨，南記遇甲乙丙，變早餐俱樂部。談起申領美國簽證，平日無乜聲氣的甲大怒，鬧足十五分鐘。甲說「錫Q」翻倒他的提包，館方又問長問短，非常不尊重。雖然甲最終申領到，但決定不去了！
我的簽證OKAY了，成功在於我寫了一封信要求兼職雜誌CUT AND PASTE再簽名。領事館老外說信的最後一句好好笑，其實我笑不出﹕(意譯為「我們肯定他從美國歸來後會繼續為我們寫稿的。」
我和甲都非常討厭網上預約那句，「你約了時間不能遲到，也不能早到」、「難以寫清要你帶何種文件來，但你須帶備你認為可能幫到你加快申請程序的有關文件....」日本領事館都寫明公司請假信，以前德國都寫明最近半年銀行存款證明，偏偏這個國家，....唉！這蘋果蟲蛀了！
發表人: 島居博思 | 西元2007年06月14日
簽咗幾多年幾多次入境？
發表人: 佐敦舊街坊 | 西元2007年06月14日
10年
發表人: 島居博思 | 西元2007年06月14日