島居博思

吾友加國返港，一直相約來島探訪，工作太忙，一拖再拖， 請她周六來，「嘩！你有無搞錯，這個星期六是大除夕。」吓？原來咁快過年。「你唔知咩？今日已經是廿五。」明明是廿四號？！「我是說年廿五呀，仲有幾日就過年。」

 

點解突然舊曆起來？

 

搞出版的朋友請我幫手翻譯，要求初九交稿。即係新曆幾多號？ 「你無日曆咩？」想知清楚幾時交稿？「我都唔知，總之年初九喇。」

 

使唔使tune番自己？

 

「你新年點過？」大姐叫大家初三到她家吃年糕。「咁年夜飯呢？」仲未接到任何通知喎。「使唔使叫我阿媽擺多雙筷子？」唔使，唔使。

 

多謝，多謝大家關心。

 

上次〈冬至‧飯〉發表後，影響無遠弗屆，家人都是靠blog知我近況，某天，三位家人分別請我當晚吃住家飯，可惜約了老同學。多謝。